何謂物業佔用權？

當租客承租單位之後，就會得到物業嘅佔用權，其實即係咩意思呢？業主又有咩地方需要注意呢？

其實當業主同租客簽完租約後，已經代表呢個物業嘅佔用權，從業主身上移交至租客身上。即表示單位嘅擁有人係業主，但喺租約期内，租客可以合理地佔用物業、使用物業，而業主冇權侵擾或驅趕租客。

因此，即使租客喺租期內違反租約條款，例如拖欠租金，業主亦唔能夠隨便上門追租，破門入屋或是截斷單位水電等，作出任何侵擾租客使用單位嘅行為。甚至業主同租客之間出現糾紛、爭拗等，業主都冇權擅自闖入單位，同租客辯論。隨時有可能被租客反告，非法入侵。假如充公租客嘅私人物品當作租金，更可以被控盜竊罪。

業主唯一嘅方法，就係向土地審裁處申請收回物業，得到法庭判令，業主才可以取回物業管有權，趕走租客。所以身為業主嘅你，一定要學識正確追租嘅方法，同剋制自己處理租務糾紛問題，避免擅自闖入單位内，咁就萬無一失啦！

若果你對物業佔用權有任何疑問？即打租務管理熱線(852) 2153 3866，了解更多啦！

利嘉閣租務管理 解決租務問題的好幫手！