搜尋

出現租務糾紛 應該搵邊個部門求助?

如果租客欠租、業主同租客出現租務糾紛,應向邊一個政府部門求助處理相關問題?差餉物業估價署、土地審裁處定係小額錢債審裁處?以上三個部門都可以幫你解決有關租務嘅事項,只係因應唔同情況,就向唔同嘅部門求助。

差餉物業估價署負責執行《業主與租客(綜合)條例》嘅部門。差估署亦會提供有關租賃事項嘅服務,例如發出《應課差餉租值證明書》、《處所主要用途證明書》同批署《新租出或重訂協議通知書》等。

土地審裁處負責處理有關租務糾紛嘅主要機構,尤其係牽涉到收回出租物業嘅問題。其次土地審裁處同高級法院唔同,審裁處處理一般業主同租客之間嘅糾紛,審訊嘅過程都會比較簡單或者不拘形式,所以法律嘅費用亦相對較低。但注意,土審亦都係一個法庭,佢必須以中立嘅方式行事,並且唔會就案件擔任當事人嘅法律顧問。

假如所牽涉嘅糾紛,只係關於金錢上嘅問題,而且金額唔多過$75,000,申請人就可以向小額錢債審裁處提出索償。但若果涉及嘅金額過高,或者有關嘅法律問題過於複雜,就需要向區域法院或高等法院提出興訟。

所以你依家邊個部門,負責邊一類嘅租務糾紛啦!如果你喺租務問題上有任何疑問?即打租務管理熱線(852) 2153 3866,了解更多啦!

利嘉閣租務管理 解決租務問題的好幫手!




2162 次瀏覽0 則留言

最新文章

查看全部