搜尋

租客欠租 業主點追租?

買樓收租係一件好開心嘅事,只要搵到租客將單位租出,咩都唔需要做就有錢收。但事實上,出租單位你會面對好多嘅困難同擔心,點樣揀一個好租客、點樣傾一份租約、點處理租客問題等等。而最令人頭痛嘅就係租客欠租,點追租好?

過往有唔少業主,當租客欠租嘅時候,就即刻衝去搵租客交租,起初可能雙方會言語不合,然後有肢體碰撞,最後就演變成流血事件。咁應該點追租呢?業主可以參考以下四大步驟:

一、租客欠租嘅初期,業主可以先透過電話聯絡、手機短信或電郵方式,同租客作一個初步連繫通知。商討租客嘅交租係唔係出現問題或者有其他困難。

二、租客失蹤、聯絡唔到,業主唔好獨自上門追租,甚至用換鎖、斷水、斷電、反鎖租客嘅手法強逼租客交租。咁樣會收唔到租之外,更加會俾租客告你侵擾或者擅闖私人地方。

三、如果聯絡唔到租客,就需要用正確嘅法律途徑進行追租,例如向小額錢債審裁處、區域法院、高等法院原訟庭等提出申索款額。

四、假如事態嚴重,租客已經嚴重欠租或已搬離單位,業主就需要向土地審裁處,申請收回物業單位。但整個過程可能需要兩三個月甚至更長,因為業主要等法庭發出管有令狀之後,再由執達主任處理收回單位事項。

以上就係追租四大步驟,如果喺追租問題上有任何疑問?即打租務管理熱線 (852) 2153 3866,了解更多啦!

利嘉閣租務管理解決租務問題的好幫手!





62 次瀏覽0 則留言

最新文章

查看全部