搜尋

租約術語你要識!咩係「生約」「死約」?

租樓時我哋需要簽一份嘅租約,有時會講「生約」、又有時講「死約」,咁究竟兩者分別係咩?又有咩隱藏嘅意思?


首先你要知道「生約」「死約」並冇一個明確嘅時間,坊間亦冇一個統一定義,可以係一年、三年或者其他年期都可以,係視乎業主同租客商討雙方而定。只係現時大多數業主同租客所訂嘅租期,都係兩年,亦即係一年「死約」,一年「生約」。


「死約」即係雙方喺呢段嘅租期內,都受到租約嘅約束,如果租客想退租而終止租約,就必須要完成「死約」期內嘅租賃,先可以提出。另外喺「死約」租期內,任何一方提出退租、增加租金或者減租,都係屬於違約需要作出賠償,除非租約上有特殊規定。


「生約」嘅意思,其實係指退租權,即係呢段租期內業主同租客,任何一方只要畀對方一個通知期,就可以單方面終止租約。假如「生約」期間,樓市出現變動,租金下跌租客要求減租,業主可以唔接受,租客可以行使退租權,提前終止租約。相反,「生約」期間租金大幅飆升,業主要求加租,租客可以唔接受,業主亦可以提早結束租約。


另外提提大家,如果業主同租客都同意喺「生約」前更改租約內容,例如加租或減租,可以考慮喺「生約」生效前訂立一份新租約,避免日後出現租務糾紛。


仲有唔明或者有其他嘅疑難?即打租務管理熱線


(852) 2153 3866,了解更多啦!


利嘉閣租務管理 解決租務問題的好幫手!




26213 次瀏覽0 則留言

最新文章

查看全部