搜尋

租約術語你要識!咩係「11+1」「12+1」?

之前我哋講過,簽租約時「生約」、「死約」有咩分別,同埋背後嘅意思係咩野!今次就講下「11+1」、「12+1」,唔知呢個術語係啲咩?唔知!你就要繼續睇埋落去啦!

首先,香港嘅租約期,一般都係兩年,亦即係一年「死約」、一年「生約」。當中「死約」,一般係指頭12個月,雙方受約束並不能隨意退租。不過問題就喺呢個「死約」期內,究竟租客係完成頭11個月租期,定係頭12個月租期之後,先可以向業主發出退租通知呢?

坊間採用的標準租約都會有中斷租期條款(break clause),列明一方只須給予另一方若干個月的書面通知或代通知金(一般為一個月或兩個月),便可提早終止有關的租約。


所謂「11+1」,就係指業主同租客喺頭11個月完結之後,雙方需要係第12個月以書面通知作為通知期,決定係唔係繼續履行「生約」租期、退租或者調整租金,即係雙方唔可早過11個月前通知,整個「死約」期為12個月。

而「12+1」嘅意思同「11+1」大致相同,即係「死約」期內頭12個月,唔可以退租或者調整租金,必須要完成頭12個月之後,第13個月以書面通知作為通知期,再決定係唔係繼續履行「租期」或退租或調整租金等,整個「死約」期為13個月。

另外提醒大家, 無論係「11+1」定係「12+1」,都需要業主、租客雙方同意,並且必須要遵守。仲有唔明或者有其他嘅疑難?即打租務管理熱線(852) 2153 3866,了解更多啦!

利嘉閣租務管理解決租務問題的好幫手!





0 次瀏覽

查詢熱線

Tel: +852 2153 3866 | Fax: +852 3971 0820

電郵地址

公司地址

香港北角英皇道260號怡安中心7樓全層

  • Facebook
  • YouTube
  • Instagram

本網頁所提供資料僅作參考用途。若因錯漏而引致任何不便或損失,利嘉閣租務管理概不負責。

利嘉閣租務管理 © 2020 版權所有 Copyright © 2020 Ricacorp Tenancy Management

利嘉閣租務管理 Ricacorp Tenancy Management 地產代理(公司)牌照號碼:C-079703-A000

由匯瀚房地產服務有限公司營運

私隱政策聲明和收集個人資料聲明 │ 免責聲明