搜尋

簽租約有咩「條款」要注意?

不論出租物業或承租物業,業主租客雙方都需要簽訂一份租約,一般都會買文具舖嘅租約,或者下載網上嘅範本租約。但係呢啲基本租約,只會填寫到最表面嘅資料,唔會有詳細嘅「條款」解釋或者備註,亦好難清晰界定雙方嘅責任同權益,加上每個出租嘅情況都略有唔同,一旦對租約內容有分歧,雙方就會發生租賃糾紛。

想避免出現租賃糾紛,最好嘅辦法當然需要簽訂一份完善嘅租約,將條款內容同責任權益都清晰列明,自然可以減少糾紛又可以保障雙方。咁簽租約嘅時候有咩條款要注意?

首先,當然要列出業主同租客正確嘅個人資料,包括雙方姓名或公司名、身分證號碼或商業登記號碼、電話連絡資料同通訊地址等。

其次,業主有責任提供出租的單位資料,例如出租單位包括咩傢俬電器、單位嘅平面圖、單位係唔係連車位等等,都需要清晰交代。亦可以喺租約附帶一張傢俬清單,雙方共同確認單位情況,檢查每一項嘅傢俬電器,再逐一核對,就可以避免因為傢俬電器損壞或者更換而出現糾紛。

另外,業主同租客需要清楚訂明租金金額及租客繳交租金的方式,租金係要每月、每季定每年繳交;繳交租金的方式係現金、支票定銀行轉帳等等。租金係唔係已經包括差餉、地租或管理費,喺免租期内嘅開支係由邊個負責等。而按金方面,租約內要清晰訂明租客要交幾多個月嘅租金做保證金 (一般為1-3個月租金),業主有權喺按金扣除因租客欠租的費用,雙方並同意喺某期限内退還按金畀租客。

最後要注意嘅就係租住期限,究竟係一年「死約」一年「生約」,定係兩年「死約」,有無免租期,租客有冇優先續租權,亦都需要喺租約清楚訂明。

如果喺簽租約嘅問題上,有任何疑難。即打租務管理熱線(852) 2153 3866,了解更多啦!

利嘉閣租務管理解決租務問題的好幫手!




1155 次瀏覽0 則留言

最新文章

查看全部