搜尋

預防「租霸」小秘笈(下)

上一次就介紹完「租霸」常用嘅手法,利用各種理由和藉口,刻意拖欠租金,然後霸佔單位。今次就介紹如何避免「租霸」嘅方法,直接由源頭開始處理,而且仲會介紹一啲保障業主實際途徑。

【確認租客身份】

業主第一件事就係要確認租客嘅身份,呢個步驟非常重要,了解對方嘅工作、家庭背景同經濟狀況等。如果發現租客經濟有問題或者有懷疑,可以要求租客提供工作證明,甚至可以獲得租客同意下打電話去公司確認身份。

其次就係避免以公司名義租住單位,對方可能係空殼公司,如果欠租霸佔單位,就只需公司申請破產,就可以免卻嘅租金,又可以免費住幾個月,等業主完成收樓法律程序。若果真係要出租畀公司,就可以考慮由公司董事個人簽名或另外訂立一份“租金擔保協議書”,保障雙方利益。

【查閱租霸紀錄】

現時香港有好多租霸黑名單紀錄,可能由公營機構建立或者係討論區,甚至係群組自發建立一個租霸黑名單紀錄。咁業主就可以出租單位前,自行到網站上查閱租客係唔係租霸。

【地產代理介入】

首先租霸唔會鐘意透過地產代理撮合租務關係,因為代理嘅介入,租霸就唔能夠從租約上得「著數」,亦比較難入住到單位。所以透過相熟可靠嘅地產代理放盤,係可以避免遇到租霸嘅機會,同時代理係會熟悉租約條文,如果發現租客有可疑,亦能猜測到租客會唔會欠租。

【注意傾談內容】

如果租客對入住單位表現得非常著急,甚至自己抬高租金價錢,希望業主出租自己單位,咁就要非常小心啦。可能對方就係「租霸」,根本都唔會交租,所以提出嘅租金價錢亦唔會兌現,目的就只為入住到單位。

【打厘印及CR109】

當簽「租約」後,記得一定要將份租約打厘印。同時業主必須喺簽約後一個月內填寫CR109表格-「擬重訂或新訂立租約通知書」,交差餉物業估價署署長蓋章(免費)。否則遇有租務糾紛嘅時候,法庭就唔會受理,租約重打厘印有可能要加罰10倍厘印費。

如果對避免「租霸」有任何疑問?或者自己遇到「租霸」想收回單位,即打租務管理熱線(852) 2153 3866,了解更多啦!

利嘉閣租務管理 解決租務問題的好幫手!


0 次瀏覽

查詢熱線

Tel: +852 2153 3866 | Fax: +852 3971 0820

電郵地址

公司地址

香港北角英皇道260號怡安中心7樓全層

  • Facebook
  • YouTube
  • Instagram

本網頁所提供資料僅作參考用途。若因錯漏而引致任何不便或損失,利嘉閣租務管理概不負責。

利嘉閣租務管理 © 2020 版權所有 Copyright © 2020 Ricacorp Tenancy Management

利嘉閣租務管理 Ricacorp Tenancy Management 地產代理(公司)牌照號碼:C-079703-A000

由匯瀚房地產服務有限公司營運

私隱政策聲明和收集個人資料聲明 │ 免責聲明